Ja, da steht´s d´Realschui
Und i fühl mi da ganz woi.
Wenn´s a moi a net a so laft
Hast no lang net dei guarde Notn vepaßt.

Mei, de Lehrer haben a schwars Los
Lassn´s doch auf sie die Schüler los.
Doch a mir Schüler miaß ma de Launen vo de Lehrer aushoitn
Hat doch jetzt der Punkt zur besseren Notn net goitn.

Zwar is bled, de ganze Lernerei
Doch nach vier Jahr is Gott sei Dank alles vorbei.
Manchmal is zum Verzweifeln und du kannst narrisch wern,
doch a schlechte Phase hat a jeder net gern.

Bald geht er o, der Prüfungsstreß,
Und i hoff, dass i net ois vergiß,
Warum muaß´s Ministerium a de Prüfung so schwar macha?
Denn wenn's einfach war, dad a jeder an guaden Abschluß macha!

Ja mei, de Zeit laft uns dafo
Und i woaß net wia i sie aufhoin ko.
D´Realschuizeit war schee und guat,
Und i hoff, dass koana so schnell vergessn tuat.

Gedicht von Juliane Ecker